ఎంపీ రఘునందన్ రావుకు జన్మదిన శుభాకాంక్షలు తెలిపిన నాయకులు

నర్సాపూర్ మున్సిపల్ వైస్ చైర్మన్ వనముల బుచ్చేష్ యాదవ్, కౌన్సిలర్లు శ్రీకాంత్, నిరంజన్ దాస్, జిల్లా కోశాధికారి ఆంజనేయులు గౌడ్ తదితరులు ఎంపీ రఘునందన్ రావును కలిసి జన్మదిన శుభాకాంక్షలు తెలియజేశారు.

ఈ సందర్భంగా నాయకులు మాట్లాడుతూ, ఎంపీ రఘునందన్ రావు ప్రజాసేవలో ముందుండి, ప్రజల సమస్యల పరిష్కారానికి కృషి చేస్తున్నారని ప్రశంసించారు. నియోజకవర్గ అభివృద్ధికి ఆయన చేస్తున్న కృషిని కొనియాడారు.

ఈ జన్మదిన వేడుకలలో పట్టణ ప్రధాన కార్యదర్శులు రాంరెడ్డి, సంగసాని రాజుతో పాటు అనేకమంది నాయకులు, కార్యకర్తలు పాల్గొన్నారు. ఎంపీకి శుభాకాంక్షలు తెలియజేస్తూ, ఆయన దీర్ఘాయుష్షుతో ప్రజలకు సేవ చేయాలని ఆకాంక్షించారు.

ఈ సందర్భంగా ఎంపీ రఘునందన్ రావు తనను ఆదరిస్తున్న ప్రజలకు, నాయకులకు కృతజ్ఞతలు తెలిపారు. రాబోయే రోజుల్లో మరింత మెరుగైన సేవలు అందిస్తానని హామీ ఇచ్చారు.