తిమ్మాపూర్‌లో ఐకేపీ ఆధ్వర్యంలో ధాన్యం కొనుగోలు కేంద్రం ప్రారంభం

కొనుగోలు కేంద్రం ప్రారంభోత్సవం సందర్భంగా సర్పంచ్ ధారావత్ సోనీ ప్రకాష్ మాట్లాడుతూ, రైతులు తమ పంటను శుభ్రపరిచి, తేమ శాతం నిర్దేశిత పరిధిలో ఉండేలా చూసుకుని కొనుగోలు కేంద్రానికి తీసుకురావాలని సూచించారు. ప్రభుత్వం రైతులకు అందిస్తున్న మద్దతు ధర, కొనుగోలు సదుపాయాలను సద్వినియోగం చేసుకోవాలని ఆమె రైతులకు పిలుపునిచ్చారు.

రైతులు ఎదుర్కొనే ఏవైనా ఇబ్బందులు లేదా సమస్యల పరిష్కారం కోసం సంబంధిత అధికారులను, స్థానిక ప్రజాప్రతినిధులను సంప్రదించాలని సర్పంచ్ తెలిపారు. రైతుల సౌలభ్యం కోసం ఈ కొనుగోలు కేంద్రాన్ని ఏర్పాటు చేసినట్లు ఆమె పేర్కొన్నారు.

ఈ కార్యక్రమంలో పంచాయతీ కార్యదర్శి జ్యోతి, రవీందర్, సాయిబాబా, సంగమేశ్వర్, రఘు, శాంతయ్యతో పాటు పలువురు గ్రామస్తులు, రైతులు పాల్గొన్నారు. కొనుగోలు కేంద్రం ఏర్పాటుతో రైతులు సంతోషం వ్యక్తం చేశారు.