అమరావతి రాజధానిపై మంత్రి నారా లోకేష్ విమర్శలు

జగన్ కు ఆత్మలతో మాట్లాడే అలవాటు ఉందని, భవిష్యత్తులో అమరావతి నిర్మాణంపై తానే కారణమని చెప్పినా ఆశ్చర్యపోనక్కర్లేదని లోకేష్ వ్యంగ్యంగా అన్నారు.

జగన్ పాదయాత్రతో చంద్రబాబుకు సినిమా చూపిస్తానని అన్నారని, అయితే ప్రజలు ఇప్పటికే జగన్ కు ఒక బ్లాక్‌బస్టర్ సినిమా చూపించారని ఆయన పేర్కొన్నారు.

అమరావతి తీర్మానాన్ని రైతులు, ప్రజలు ఆనందిస్తున్నారని, రాష్ట్రంలో మరోసారి తుగ్లక్ తరహా చర్యలను ప్రజలు సహించరని లోకేష్ అన్నారు.

ఈ రాత్రికి అసెంబ్లీ తీర్మానం కేంద్రానికి వెళ్తుందని, పార్లమెంట్ సమావేశాల్లోనే అమరావతికి చట్టబద్ధత లభించవచ్చని ఆయన తెలిపారు.