బీఆర్ఎస్ నాయకుడు మన్నె క్రిశాంక్, తన భార్యపై కాంగ్రెస్ సోషల్ మీడియాలో తప్పుడు వార్తలు ప్రచారం చేస్తున్నారని తీవ్ర ఆరోపణలు చేశారు. ఈ వ్యవహారంపై విచారణ చేపట్టి, బాధ్యులపై చర్యలు తీసుకోవాలని ఆయన డిమాండ్ చేశారు.
గాంధీ భవన్ కేంద్రంగా కొందరు కాంగ్రెస్ నాయకులు వ్యక్తిగతంగా తన కుటుంబంపై దుష్ప్రచారం చేస్తున్నారని క్రిశాంక్ ఆరోపించారు. తమను ఎదుర్కోవాలంటే నేరుగా తనను ఎదుర్కోవాలని, తమ భార్యను లక్ష్యంగా చేసుకోవద్దని ఆయన సూచించారు.
పొంగులేటి ఆక్రమణ మైనింగ్, మంత్రి సీతక్క అంగన్వాడీ టీచర్ల ఫోన్ స్కామ్ వంటి అంశాలపై తాను ప్రశ్నించినందుకే ఈ తప్పుడు ప్రచారం చేస్తున్నారని బీఆర్ఎస్ నాయకుడు ఆరోపించారు.
తన భార్య ఎలాంటి తప్పు చేయలేదని, ఆమెపై వచ్చిన వార్తలు పూర్తిగా అవాస్తవమని క్రిశాంక్ పేర్కొన్నారు. ఆంధ్రప్రభ పత్రిక పేరుతో కూడా తన భార్యపై తప్పుడు వార్తలు రాశారని ఆయన ఆరోపణలు చేశారు.
ఈ దుష్ప్రచారాన్ని తీవ్రంగా ఖండించిన క్రిశాంక్, దీని వెనుక ఉన్నవారిపై కఠిన చర్యలు తీసుకోవాలని కోరారు.
