కూకట్పల్లిలోని వివేకానంద నగర్ కాలనీ శ్రీ వెంకటేశ్వర స్వామి దేవాలయంలో 35వ వార్షిక బ్రహ్మోత్సవాలు అంగరంగ వైభవంగా జరిగాయి. ఈ సందర్భంగా జరిగిన శాంతి కళ్యాణ మహోత్సవంలో పలువురు ప్రముఖులు పాల్గొన్నారు.
కూకట్పల్లి వివేకానంద నగర్ కాలనీ శ్రీ వెంకటేశ్వర స్వామి దేవాలయంలో 35వ వార్షిక బ్రహ్మోత్సవాలు భక్తిశ్రద్ధలతో వైభవంగా నిర్వహించబడ్డాయి. ఈ ఉత్సవాల్లో భాగంగా శ్రీ కోసూరి రామకృష్ణమాచార్యుల ఆధ్వర్యంలో స్వామివారి శాంతి కళ్యాణ మహోత్సవం ఎంతో వైభవోపేతంగా, వేద మంత్రోచ్ఛరణల మధ్య ఘనంగా జరిగింది.
ఈ పవిత్ర కళ్యాణోత్సవంలో బిజెపి రాష్ట్ర కార్యవర్గ సభ్యులు, వివేకానంద నగర్ కాలనీ అధ్యక్షులు వడ్డేపల్లి రాజేశ్వరరావు, ఆయన సతీమణి యామిని దంపతులు పాల్గొని, దివ్య కార్యంలో భక్తిశ్రద్ధలతో నిర్వహించుట ద్వారా స్వామివారి కృపాకటాక్షాలకు పాత్రులయ్యారు. కళ్యాణం అనంతరం జరిగిన అన్న సమారాధన కార్యక్రమంలో పాల్గొని, స్వామివారి తీర్థప్రసాదాలు స్వీకరించారు.
ఈ సందర్భంగా వడ్డేపల్లి రాజేశ్వరరావు మాట్లాడుతూ, ప్రతి ఏడాది భక్తుల అచంచల విశ్వాసంతో, సేవాభావంతో నిర్వహించే ఈ బ్రహ్మోత్సవాలు సమాజానికి ఆధ్యాత్మిక శాంతి, ఐక్యత, సత్సంకల్పాలను పంచుతున్నాయని పేర్కొన్నారు. ఆలయ కమిటీ, సేవాదారులు, భక్తుల సహకారంతో ప్రతి ఇంటిలో సంతోషం, ఆరోగ్యం, అభ్యుదయం నెలకొనాలని ఆయన ఆకాంక్షించారు.
కార్యక్రమాన్ని విజయవంతంగా నిర్వహించిన ఆలయ కమిటీ సభ్యులను, సేవాదారులను ఆయన అభినందిస్తూ, ఇలాంటి పవిత్ర బ్రహ్మోత్సవాలు మరింత వైభవంగా, తరతరాలకు చిరస్మరణీయంగా ప్రతి సంవత్సరం నిర్వహించబడాలని మనసారా కోరుకుంటున్నట్లు తెలిపారు.
