శేరిలింగంపల్లిలో యువజన నాయకుడు అనిరుధ్ యాదవ్ జన్మదిన వేడుకలు

నల్లగండ్లలోని వర్టెక్స్ కింగ్స్టన్ పార్క్ విల్లాస్ నివాసంలో జరిగిన ఈ వేడుకల్లో, అనిరుధ్ యాదవ్ కుటుంబ సభ్యులు, ముఖ్యంగా తల్లి రాగం సుజాత యాదవ్ (మాజీ సోషల్ వెల్ఫేర్ బోర్డు చైర్పర్సన్) మరియు తండ్రి రాగం నాగేందర్ యాదవ్ (శేరిలింగంపల్లి కార్పొరేటర్) పాల్గొన్నారు. భారీ కేక్ కటింగ్ కార్యక్రమం నిర్వహించారు.

ఈ సందర్భంగా, శేరిలింగంపల్లి ప్రాంతానికి చెందిన సీనియర్ నాయకులు, మహిళా నాయకురాళ్లు, యువనాయకులు, బూత్ కమిటీ సభ్యులు, కాలనీ అసోసియేషన్ ప్రతినిధులు, అభిమానులు పెద్ద సంఖ్యలో హాజరై అనిరుధ్ యాదవ్‌కు శుభాకాంక్షలు తెలిపారు. నాయకులు, కార్యకర్తలు అతన్ని గజమాలలు, శాలువాలతో సత్కరించి, పూలబొకేలు అందజేశారు.

వేదపండితులు అనిరుధ్ యాదవ్‌కు ఆయురారోగ్యాలతో నిండు నూరేళ్లు ప్రజాసేవలో కొనసాగాలని ఆశీర్వచనాలు అందించారు. ప్రజాసేవను లక్ష్యంగా చేసుకుని, తండ్రికి తగ్గ తనయుడిగా అభివృద్ధి మార్గంలో ముందుకు సాగుతున్న యువనేతగా ఆయన ప్రజల సమస్యల పరిష్కారానికి కృషి చేయాలని ఆకాంక్షించారు.

వేడుకల అనంతరం, అనిరుధ్ యాదవ్ ఏర్పాటు చేసిన మధ్యాహ్న భోజనాన్ని నాయకులు, కార్యకర్తలు స్వీకరించారు. ఈ సందర్భంగా అభిమానులతో కలిసి ఆనందంగా వేడుకలను జరుపుకుంటూ కార్యక్రమాన్ని విజయవంతం చేశారు.