జీవనోపాధి నిమిత్తం హైదరాబాద్లో కూలి పనులు చేసుకుంటున్న జనగాం జిల్లా చెన్నూర్ గ్రామానికి చెందిన జోగు మహేష్ (40) వడదెబ్బతో ఆకస్మికంగా మృతి చెందారు. ఈ సంఘటన పాలకుర్తి మండలంలో విషాదాన్ని నింపింది.
శనివారం ఎండ తీవ్రత అధికంగా ఉన్న సమయంలో పని చేస్తుండగా, జోగు మహేష్ వడదెబ్బకు గురై అక్కడికక్కడే కుప్పకూలి మరణించినట్లు కుటుంబ సభ్యులు, స్థానికులు తెలిపారు. మృతుడు తన కుటుంబాన్ని పోషించే ఏకైక వ్యక్తి కావడంతో, ఆయన అకాల మరణంతో భార్యాపిల్లలు తీవ్ర దుఃఖంలో మునిగిపోయారు.
మృతుడి కుటుంబం ఆర్థికంగా వెనుకబడినదని, ప్రభుత్వం వెంటనే స్పందించి వారికి తగిన సహాయం అందించాలని గ్రామస్థులు, కుటుంబ సభ్యులు కోరుతున్నారు. ఎక్స్గ్రేషియా ప్రకటించి, బాధిత కుటుంబాన్ని అన్ని విధాలా ఆదుకోవాలని ప్రభుత్వానికి విజ్ఞప్తి చేశారు.
ఈ ఘటనతో చెన్నూర్ గ్రామంలో విషాద వాతావరణం నెలకొంది. వడదెబ్బ ప్రాబల్యంపై ప్రజలు అప్రమత్తంగా ఉండాలని అధికారులు సూచిస్తున్నారు. వేసవి తాపం నేపథ్యంలో ప్రజలు జాగ్రత్తలు తీసుకోవాలని సూచనలు వెలువడ్డాయి.
